Zaza老師的不秘密生活
Zaza老師平時晚晚臨瞓前都會揀精油薰香，近日非常迷戀哩支純愛複方精油，由朝薰到黑好似上咗癮咁，因為實在太～～香～～
玫瑰
係哩支精油嘅主調，千古以來象徵愛情，因為佢嘅香味會直接打開你嘅心輪，讓愛嘅能量流通，令人充滿溫暖同純潔嘅感覺。除咗玫瑰之外，背景仲夾雜咗天竺葵、薰衣草同金盞花嘅花香
，伴以少許嫩綠嘅枝葉
，後調係沉穩而低調嘅佛陀木
。如果用攝影嚟比諭，玫瑰花係成張相嘅主體，其他花就係後面嘅遠景，有點out focus，唔會搶走主角嘅重心，但就大大加強咗成張相嘅豐富感！後調就相當於張相嘅景深，有咗佢之後成幅畫面嘅層次感就出晒嚟！
調香係一種藝術，香味帶出嘅信息一定要用心去感受，唔能夠單純用理性分析裡面含有咩成份、用幾多比例去調配。
另一個唔係秘密嘅秘密，就係圖中個香薰爐，佢其實係我未開舖之前訂返嚟嘅試用品，一用就用咗8年，而且仲係24小時長期開住，放咗喺床頭，不論早午晚，只要一返入房就會加幾滴精油落去，唔駛幾分鐘就成間房香晒！最近用哩支複方精油氣味特別持久，夜晚點完到第二晚返屋企都仲聞到玫瑰嘅香味！所以選擇啱嘅低音油真係好重要
當你學咗好多唔同範疇嘅知識之後，就會發覺好多嘢背後都連成一體，密不可分，將佢哋好好融滙貫通，就可以創造出最強武功！