Zaza老師的不秘密生活
好多朋友同Zaza老師一樣，天氣一轉涼就會鼻敏感發作，瞓得唔好，黑眼圈又走晒出嚟
。醒大家兩招，夜晚花幾分鐘做個穴位按摩，包你舒服晒！即刻收藏哩個咁簡單嘅秘方啦！
首先教大家搵出自己嘅風池穴：風池穴位於後頸同後腦頭骨嘅凹陷處，只要用兩隻大姆指沿住頸椎兩側向上推到髮腳線對上就可以輕易搵到。
預備一支驅風、止痛、舒緩呼吸道嘅按摩油：10ml 任何基底油（
Zaza老師就推薦用石栗油，因為夠乾爽），加入2滴CO2薑油及2滴野生羅文莎葉精油。
取適量按摩油搽喺後頸至風池穴位置，然後開風筒吹熱穴位位置，再用姆指按壓風池穴3-5分鐘。
功效：行氣活血、舒緩頭痛、頭暈、肩頸痛、水腫、鼻炎、鼻敏感、黑眼圈、眼睛疲勞、改善睡眠。