🌺Zaza老師的不秘密生活🌸
Zaza老師鍾意香水就係人都知，但係點樣學識整香水就好似冇乜點同大家講過。
細個時有個夢想，就係將來可以做個調香師，而全世界最出名嘅香水學校喺法國，要讀5年先可以完成。到入大學時主修營養學，副修法文，因為想有機會就去法國讀書。畢業之後出嚟做嘢，結果都冇去讀調香，直至後來去咗讀香薰治療，本來諗住讀完都應該可以調到香水，但事實完全唔係嗰回事。當時學到嘅就只係要有齊高、中、低音油，邊種油係高音、中音、低音，實際就好似你要學作文，但就只學識咗一啲詞語一樣，距離寫好一篇文章仲有好遠好遠距離。
之後有一次去法國🇫🇷工幹，特登走咗去南法香水之都格拉斯學吓人哋點整香水，雖然只能夠上一個短期課程，但係就真真正正體驗到專業調香師係點樣調香。喺法國，香水係一種藝術，就好似學畫畫、學音樂一樣，你要學嘅就係點樣用香氣營造出一種美感，有啲抽象，如果對各種香味冇乜底子嘅亦比較難掌握。
後來再跟咗一位英國🇬🇧老師學系統化嘅調香方法，感恩可以喺佢退休之前上到佢嘅課，佢可以稱得上係全世界最有系統嘅調香師，亦正正因為有咗個完善系統，先可以令學生短時間內學識調香技巧。最重要係，好多人學香水都完全skip咗學習個別芳香份子，其實單體成份哩一part先最重要，正如你學彈琴，可唔可以唔識do re mi fa so🎵？學英文可唔可以唔學ABCDE🔤？你唔學又點樣調到好嘅香水出嚟？
我知道好多同學鍾意用精油，成日問我會唔會開精油香水班。當然要開班對我嚟講係完全冇難度，但我最關注嘅係你嚟上我堂你可以學到啲乜。最簡單我攞100-200種精油出嚟俾大家用，教你高中低音混合，淨係咁都已經夠上幾日堂。但係，最關鍵嗰啲芳香份子你一隻都唔識，咁樣對我嚟講根本就唔係調緊香呀！
仲有一樣嘢都好重要，調香其實係一種創作，唔係純粹將啲材料溝埋咁簡單，就算俾你識晒所有chemistry，我都好肯定你調唔到一支好嘅香水出嚟。打個比喻，係唔係識畫公仔、識用Photoshop就做到設計師呢？識彈琴、彈結他就可以作到曲？絕對唔同層次呀！所以如果你想學調香，就唔好諗住淨係學點樣將啲精油溝埋一齊就得，哩啲技巧只係你創作旅程嘅基礎嚟咋！
講番香水課程，今個月有兩個課程都會開班，解答咗大家啲問題先。兩個課程啲基本理論部份差不多，實體班已經開過好多次喇，課堂上大家會有機會用到近千種唔同嘅香水原料，包括單體成份、香水基調、精油等等，會有大量時間做調配，以往啲同學一般可以做到約30個配方出嚟。今期課程會連續6日上晒。
網上課程係新開嘅，用全天然材料，包括精油、原精、天然香水原料，會送一套價值超過$8000嘅材料俾所有報名同學，真係超級無敵抵！實習部分就係你哋自己喺屋企用哩啲材料調香喇。課堂上除咗基礎理論之外，重點會分析80種精油嘅芳香特質，同埋裡面最主要會影響香味嘅成份，解釋點解你喺唔同地方買嘅精油會唔同味，用嚟做治療同用嚟調香嘅精油點揀先啱。
有興趣同學留意以下開課時間及聯絡灣仔同事報名：
🌹香水調配證書課程實體班 27/6 – 2/7/2022 開班喇！只得5️⃣個名額！
IBHGU 香水調配三級技能證書課程 Perfumery Certificate Level 3
🌷精油調香證書網上課程 26/6/2022 開課！報名即送總值超過HK$8000 精油及工具！11/6前報名仲有嘢送！
IBHGU 精油調香三級技能證書網上課程