有樣嘢真係值得紀念吓，哩個香薰爐係當年開店前揀嘅其中一件產品，Zaza老師對貨品啲要求多多就全世界啲供應商都知，通常訂貨之前都要試用一大輪先會入貨，時間真係可以證明實力，哩個香薰爐一用就用咗8年，依然係我最愛！💖
8️⃣年嚟我都將佢放咗喺床頭，而且係24小時插電長開，一直都冇熄過，只要我留喺房嘅時候，就會加想要嘅精油落去，日日如是，唔經唔覺佢已經陪咗我8年，亦代表我哋舖頭渡過咗8年。
以前大多數時候我都係用單方精油薰香🌼，調香就直接喺個香薰爐上面調，將幾種喜愛嘅香氣混合，就得出代表嗰日心情嘅味道。後來發覺有幾個組合特別鍾意，就將佢哋調配成複方精油，更方便使用。如果大家有留意，早期推出咗10款複方能量精油，其實就係咁樣誕生！
好多時大家都會同邊隻精油有咩功效，但通常都只係側重於肉體上嘅問題。當然精油對於我哋生理上嘅不健康情況有好大幫助，但係Zaza老師用得更多嘅係處理能量同頻率。舉個例子，最多人問如果瞓唔著覺用咩精油好，其實瞓唔著有好多原因，你想知用咩之前，第一件事應該問自己：點解我瞓唔著？因為有好多煩惱困擾？定係有太多天馬行空idea想達成？抑或覺得缺少安全感缺乏愛？哩啲問題只有你自己先答到，睇醫生都幫唔到你。只有知道根源問題喺邊，用精油就可以幫你調整能量回復平衡，以上所講3種原因用嘅精油就完全唔同，所以唔係一支薰衣草就可以解決一切。
有興趣了解多啲嘅，可以入去以下網頁睇睇10款複方能量精油及晶石介紹👇🏻👇🏻
https://kiosk.imbeauty.com.hk/product-category/eo-spiritual-blends/
香薰爐
https://imbeauty.com.hk/hk/products/diy-tool/natural-white-multi-light-vaporizer/