近日啲確診數字非常嚇人，雖然大部分都係輕症，但都唔應該掉以輕心，做好保護措施幾時都咁重要。講到預防感染，Zaza老師嘅首選就一定係桉油樟精油，兩年嚟每逢一有疫情爆發，都必定攞番佢出嚟用！
桉油樟精油唔單止氣味清新，而且價廉物美，係一支看門口必備嘅守護天使。佢含有豐富嘅1,8-桉油素成份，喺今時今日咁嘅時勢就最適用不過！現時主流嘅Omicron病毒，主要攻擊人嘅口鼻，而1,8-桉油素正好可以溶於口鼻嘅黏膜上，發揮抗病毒防感染作用。
平時Zaza老師會喺臨出門口前喺屋企薰香5-10分鐘，等鼻腔吸入足夠嘅芳香份子先出街。如果嗰日會長時間喺外面，可以帶定一支聞香棒喺身，每隔一個鐘頭吸1-2分鐘，補充鼻腔內嘅芳香份子。哩個方法目的係令你萬一吸入到帶病毒嘅空氣，可以減低感染機會，所以唔同你平時消毒嘅用法，唔係用嚟薰間屋殺死空氣中嘅細菌病毒，亦唔係用嚟搽手抹屋，而係一定要反覆聞嗅先有效。除咗桉油樟外，月季葉或藍膠桉精油亦可做到同樣效果，不過我就鍾意桉油樟嘅氣味多啲。
有機桉油樟精油 👇🏻
有機桉油樟香薰精油