晚晚瞓美容覺，瞓住都可以變靚！ 好攰呀～放工返到屋企，想敷下mask….但又懶喎，係咪靚字同我冇緣啦…… 睇嚟呢枝【睡美人排毒按摩油】就啱哂你啦！想變靚靚就係咁簡單！臨瞓前按一按，第二朝變靚哂！ 一枝有齊抗污染、排毒、抗氧化、增加肌膚膠原蛋白、均勻膚色，仲可以減淡幼紋色斑！喺邊度有呀？睇住愛美麗直播室，跟Zaza老師學整啦！ 【睡美人排毒按摩油 30ml】配方： 分餾椰子油 15g有機紅石榴籽油 7g有機橄欖角鯊烷 3g巴夫藻抗污染精華油 1g仙人掌舒緩精華油 1g杜松果香薰精油 3滴西柚香薰精油 3滴維他命E 3滴維他命A 3滴
呢個天氣，真係好難搵到隻岩嘅面霜啊！想補濕啲又太笠，想清爽啲又乾得滯…. 不如推介你呢隻【零瑕水感面霜】吖！佢補濕得嚟又唔笠，仲可以平衡油脂、消炎、收毛孔，仲有緊緻功效㖭！街就冇得買啦，嘻～但係痴實Zaza老師就有啦！！一齊學整啦～ 【零瑕水感面霜 50g】配方： 有機揮發性椰子油 3g簡易乳化劑 1g有機玫瑰天竺葵香薰精油 6滴有機檀香純露 42g黃連木收毛孔精華素 1g有機金縷梅萃取液 1g植物胎盤素 1g複方植物多肽抗菌劑 1g
我試過，所以我好明白你！ 記得讀小學嗰陣，試過有一段時間雙手起濕疹，唔係好似今次咁細細撻，而係成對手起滿晒水泡，非常痕癢。Daddy帶我去私家醫院睇皮膚專科，食咗藥、搽咗藥膏，唔單止冇好轉，啲水泡仲越嚟越大粒，於是醫生話抽啲水泡液體去化驗，睇吓會唔會有其他感染。驗完之後話我有菌，開咗抗生素。食完藥，更加惡化，啲水泡試過大到半隻鵪鶉蛋咁大。去覆疹醫生見到大驚，叫晒全醫院啲皮膚科醫生開panel話要研究我個case，又影相又開會，之後話要攞我啲皮膚組織去化驗。我就做咗實驗品，被佢哋切咗一塊肉去研究，聯咗3針，手上嘅疤痕到依家都仲喺度。結果你估係點？醫生話我有寄生蟲要用殺蟲藥！Daddy覺得唔對路，就冇再去嗰度睇醫生。之後轉咗睇一個喺唐樓要行樓梯上去嘅老醫生，佢話我只係皮膚敏感，食過敏藥就得。過咗幾個星期，我真係好番，冇再起水泡，原本嘅泡泡都慢慢退晒。 我知道好多朋友都同我一樣有濕疹問題，尤其是轉天氣嘅季節更容易發作，我就每年總會有幾次小規模復發。哩支濕疹油就係我讀完香薰治療後第一件產品，除咗自己用之外我都俾過好多屋企同朋友試用，大家都覺得好有效！ 早幾日我手上又出咗一撻紅疹，又痕又腫又乾，於是出動我支濕疹油。第一日每次洗完手之後搽2滴，第二日搽咗3次，第三日搽咗2次，今朝起身已經好番95%。 我唔想有人重蹈我當年嘅覆轍，所以介紹哩樣嘢俾大家唔駛整，唔駛溝，直接搽就得。 #愛美麗工房#愛美麗生活百貨#濕疹#濕疹止養護膚油
大家有冇試過飲完酒冇幾耐就開始頭痛？雖然只係飲咗一小杯都中招，係唔係啲酒有問題？今日講個故事俾大家聽，有個任何香薰書都冇教嘅方法可能幫到你！ 話說尋晚Zaza老師同朋友食飯，飲咗兩杯白葡萄酒，返到屋企覺得非常頭痛，臨瞓前想搵啲嘢舒緩吓，於是查看資料睇吓點解飲酒會頭痛。發現紅酒、白酒同啤酒入面有兩樣天然成份會引起頭痛，一樣係組織胺Histamine，另一樣係酪胺酸Tyramine，兩種成份都係喺發酵時自然產生，所以同酒嘅質量冇關。哩兩樣成份亦會喺其他食物裡面存在，例如芝士、朱咕力、肉類、其他發酵食物等，部分偏頭痛患者食完哩啲食物之後會引發或加劇頭痛。 組織胺會令血管擴張，令血管滲出性增加，令液體從血液內流出至組織。有人試過服用抗組織胺藥物（即係平時我哋可以買到嘅敏感藥），可以解決酒後頭痛嘅問題。既然係咁，我就試吓用最強嗰種抗組織胺精油嚟做個實驗！搽咗兩滴檀香精油喺腳板底，同時薰香，另外放咗最佳頭痛晶石紫水晶喺枕頭上。如果用1-10級嚟評分，1係最小痛，10係最強痛，原本嘅頭痛係8級痛，而且敲個頭時覺得裡面好似裝咗水，有啲液體喺裡面搖下搖下咁。用完檀香之後大概15-20分鐘，明顯冇咗水浸嘅感覺，頭痛減輕到2級痛，非常有效。頭痛嘅原因有過百種，正如其他身體問題一樣，每個人情況都唔同，所以唔會有一個萬能嘅方法或配方。好多學香薰治療嘅同學一聽到要考解剖生理學就嚇到雞飛狗走，但係如果你連最基本嘅生理知識都冇，又點樣去做治療呢？一味死背邊種油有咩功效而完全唔理解背後機制，就永遠唔可以靈活運用，發揮精油最大作用。 #Phytospa #酒後頭痛 #偏頭痛 #香薰 #香薰治療 #檀香 #精油 #紫水晶
正呀！油光Bye Bye！ 嚟梗天氣又轉啦，熱熱地又潮濕，塊面特別易出油，唔想滿面油光？跟Zaza老師學整【控油消炎蜜粉】啦！嘻嘻，偽素顏就靠佢啦，仲有消炎作用㖭，痘痘都可以一齊byebye！ 【控油消炎蜜粉 10g】配方： 蘋果纖維微粉 9g高嶺土 0.5g氧化鋅 0.5g二氧化硅 0.01g硬脂酸鎂 0.05g無水植物多肽抗菌劑 10滴
